အနောက်နိုင်ငံတွေနဲ့ မီဒီယာတွေ ပြောသလို နိုင်ငံရေး အကျဉ်းသား ၂၀၀၀ စာရင်းနဲ့ တိုက်ကြည့်တာ ၅၀၀ ပဲရှိတယ်လို့ အစိုးရက လုပ်လာပါပြီ။ အဲဒီအထဲမှာလည်း ၂၀၀ ကို လွှတ်ပေးပြီးပြီတဲ့။ ဆိုလိုတာက ၃၀၀ လွှတ်ပေးပြီးရင် သူတို့ တာဝန်ကျေပြီဆိုတဲ့ သဘောဖြစ်နေပါတယ်။
နိုင်ငံရေး အကျဉ်းသားဆိုတာနဲ့ ပတ်သက်လို့ AAPP ကလည်း ဖွင့်ဆိုချက်တွေ ထုတ်ပြန်ထားပါတယ်။ ဒါပေမယ့် ပြစ်မှုအရ သတ်မှတ် ရေတွက်တဲ့အခါမှာတော့ အစိုးရက ဘယ်လို သတ်မှတ်တယ်ဆိုတာတော့ ရေရာစွာ မသိရပါဘူး။
နောက်ပြီး ဒီနေ့ သတင်းစာက တဆင့် ကြေညာချက်မှာ ထပ်ပြောထားတာက မလွှတ်ပေးနိုင်သေးသူတွေကို နယ်ဝေးကနေ မိသားစုနဲ့ နီးတဲ့ထောင်ကို ရွှေ့ဖို့ဆိုတဲ့ ကိစ္စ ပါလာပါတယ်။ နိုင်ငံရေးအကျဉ်းသားများကို ချွင်းချက်မရှိ လွှတ်ပေးရေး တောင်းဆိုနေချိန်မှာ အနေအထိုင်မတတ်သူများလို့ ဝေဖန်ခံနေရသူတချို့က အောက်ဈေးကို စေတနာဗရပွနဲ့ဝင်ပြီး ထောင်ရွှေ့ရေး ဝင်ပြောလာခဲ့ရာက အစိုးရကလည်း ချော်လည်း ရောထိုင် လုပ်လာတာကို မြင်ရပါတယ်။
No comments:
Post a Comment